محتاج لك أحد روائع الشاعر ثامر شبيب

السلام ععليكم ورحمة الله وبركاته
أسعد الله أوقاتكم بكل خير
أحبتي اليوم
حبيت أشارك وياكم
بأول مشاركه لي
بمنتدى الشعر
وأنشاءالله تنال على أعجابكم
هالابيات
-----
محتاج لك حيل والله يقطـع الحاجـه

حدتني وجيت اداري دمعـة عيونـي

باين علي التعـب والضيـق وانتاجـه

منهار لونـي متغيّـر ماهـو بلونـي

لقيتك .. اللي يصـد معقـد حجاجـه

وانت اقرب الناس والغالي ومضنوني

لكن على الله بديه الضيـق وافراجـه

والا انت الله معك خابت بك ضنونـي

بلاش منك ومـن موقفـك واحراجـه

رح واتبع اللي خذوا منـي وخلونـي

من صد عني تـرى مانيـب محتاجـه

من دونه اعيش دامه عاش من دونـي

وان قـدر الله مـع الايـام نتـواجـه

تمـر مثلـك مثـل ناسـن يمرونـي

في عيوني تصير ماتسـوا ولا حاجـه

من عقب ماكنت تسوا الناس في عيوني

--------
وسلامتكم
وهذى الابيات احد
ابداعات الشاعر الرائع
ثامر شبيب
وتمنياتي له بالتوفيق
مع خالص تحياتي وتقديري لكم
أخوكم ماكو^^فكه