زهقت انا منك كرهتك ومليت

السلام عليكم ورحمة الله وبركاته
أسعد الله أوقاتكم بكل خير
اليوم بنقل لكم هذى الابيات
لشاعرنا المبدع أخوي ثامر شبيب
وأنشاءالله تنال على أعجابكم
وأخليكم مع الأبيات

----------
زهقت انا منـك كرهتـك ومليت
تعبت مـن شكـك وكثـرة ظنونـك

من كثرة اسئلتك احـس استجنيـت
ياخي دخيـل الله ذبحنـي جنونـك

مليون مره انت في حقـي اخطيـت
لو غبت ساعه تفكر انـي اخونـك

وانـا ولا مـره خذلتـك وزليـت
تخيّل انـي بـس عايـش اصونـك

عيني تصير ان ضقت من بيتك البيت
وقلبي يصير الكون لاضاق كونـك

واللي صدمنـي لا بغيتـك تخليـت
وانا الذي لاضقت واحتجت عونـك

تقول لو تطلب عيوني لك اعطيـت
وش فايدة شوفي حبيبي بدونـك

وطلبت منك شي عـادي وصديـت
وشلون لو اني طلبتـك عيونـك

الشاعر
ثـــامـــر شــبــيـــب
تمنياتي له بالتوفيق