أضحك حبيبي

مشرف المساهمات : 37 تاريخ التسجيل : 08/07/2008

السلام عليكم ورحمة الله وبركاته
أسعد الله أوقاتكم بكل خير
هذى الأبيات للشاعر المبدع
أخوي الشاب ثامر شبيب
أنشاءالله تنال على أعجابكم
وهي أهداء خاص حق
اخوي ناصر اللى طالبها
-------
راسك علامك رافعه يـوم احاكيـك

الضاهر اني فوق حجمـك عطيتـك

لحظه .. نبي نرجع دقيقـه لماضيـك

بذكـرك فـي أي حـالـه لقيـتـك

كـان الضيـاع ودمعتينـك تخاويـك

منهار وفي عـز انهيـارك خذيتـك

وارخصت عمري لجل احبك واداريك

هدمت قصـر الـذل فيـك وبنيتـك

كـان الغـلا شمعـه تنـور لياليـك

لو اظلمت دنيـاك جيـت وضويتـك

يالاسف كنت امدحك وافتخـر فيـك

رفعت من شانـك وعليـت صيتـك

كنت انت .. عندي غير مقدر اخليـك

اموت واحيا ان قلـت سـم وفديتـك

واليوم اشوفك خنـت حتـى مباديـك

صغرت في عيني وانا اللي هويتـك

الضيـف لـو انـه عـدوٍ معاديـك

غصبٍ عليـك تقـدره وسـط بيتـك

ياصاحبي بتمـوت مانـي براجيـك

واشره علي انكـان حتـى طريتـك

لاصار ذل النفس فـي قلـب يغليـك

يلعنـك ياقلـب ٍ عشقـك وشريتـك

اضحك حبيبـي دام وقتـك مسليـك

بكره تمـوت مـن القهـر لا نستـك

الشاعر: ثـــامــــر شــبــيـــب ]